Formaziorako eta eskolaz kanpoko ekintzetarako bekak jarri dituzte  albisteari erlazionaturiko irudia

Lan munduko formakuntza ikastaroetarako eta hezkuntza ez arautuko zentroetan antolatzen dituzten eskolaz kanpoko ekintzetan parte hartzeko, beka sistema jarri du martxan Azpeitiko Udalak.

Formazio bekak eska ditzakete titulu profesionalean edo lanbide heziketan matrikulatzen diren 25 urtetik gorako herritarrek. Eskolen matrikulak ordaintzeko, garraio gastuetarako eta eskola materialerako emango dituzte bekak, eta, horiek banatzerakoan, Eusko Jaurlaritzaren irizpideak jarraituko dituztela azaldu dute.

Formazio beka eskatzen dutenek langabezian edo lanaldi erdian egon beharko dute. Azaroan egingo dituzte diru laguntzen tramitazioak, eta bekak abenduan banatuko dituzte.

Iazko bidetik, eskolaz kanpoko ekintzetarako bekak ere emango dituzte aurten. 3 eta 18 urte arteko herritarrek eskatu ahalko dituzte horiek, besteak beste, honako eskola edo ikastaro hauetan izena emanez gero: Juan Antxieta musika eskolan, euskal dantza ikastaroan eta Arte eta Diseinu ikastegian. Horrez gain, Udal Kirol Patronatuko bazkide kuota ordaintzeko ere emango dute laguntza. ...


Albistea irakurri osotasunean
Udal Elkarteak jardunaldia antolatu du langabe eta langileentzat Eraikuntzako Txartel Profesionalari buruz (TPC/ETP) albisteari erlazionaturiko irudia

Urola Kostako Udal Elkarteak, "Fundación Laboral de la Construcción" erakundearen laguntzarekin, jardunaldia antolatu du eskualdeko langabetuentzat eta langileentzat.

Jardunaldiak honako izenburua du eta doakoa da: "Eraikuntza sektoreko txartel profesionala: informazioa, baldintzak eta berrikuntzak".

TPC/ETP eraikuntzako txartel profesionala da. Horren bidez egiaztatzen da txartela duenak esperientzia eta prestakuntza badituela eraikuntza sektorean lan egiteko (prestakuntza orokorra nahiz lan arriskuen prebentzioaren arlokoa), Eraikuntza sektoreko Hitzarmen Orokorrean hitzartutakoaren arabera.

Eraikuntza sektoreko enpresak txartel hori eskatzen ari dira gero eta gehiago eta garrantzitsua da eraikuntza sektorean lan egin duten edo lan egin nahi duten pertsonek horri buruzko informazio zehatza edukitzea.

Jardunaldi honetan TPC/ETP txartelaren inguruko informazioa eta prestakuntza egiaztatzeari buruzko informazioa emango da. ...


Albistea irakurri osotasunean