55 urtetik gorako emakumeentzat

Hirugarren atala burutuko du tailer honek Getarian, aurrez beste bi eginak bait dira. 55 urtetik gorako emakumeei zuzenduta dago eta Gipuzkoako Foru Aldundiak eta Getariako Udalak antola tzen dute. Ikastaroa dohainik izango da.

Tailerra egiterakoan honela zuzentzen dira adin hau beteta duten emakumeei, «55 urtetara iritsi zara. Jubilazioa ia ia gainean, bilobak heltzen eta guri eskatzen, edo guk eskatzen diogu larregi gure buruari? Gure bikotearekin bakarrik geratu gara edo galdu dugu... Zenbat aldaketa! Nola zahartu beste modu batera? Nola lortu gure energia, gure esperientzia, gure borrokak mantentzea eta datozen belaunaldiek aprobetxatzea? Interesgarria egiten duten proposamena ezta?».

Interesa duten emakumeek ikastaro hauetan parte hartzeko aukera ederra dute. Izena emateko epea zabalik dago martxoaren 28 bitartean. Udalera joan besterik ez da egin behar izena emateko. Bost egunetan banatuta dago ikastaroa, apirilean 4, 11 eta 25ean eta maiatzeko 2 eta 9an (denak astearteak). Ordutegiari dagokionez arratsaldetan egingo dira, 15:00etatik 17:00etara eta Alondegian burutuko dira. ...


Albistea irakurri osotasunean
Udako lanpostuen deia egin du Orioko Udalak albisteari erlazionaturiko irudia

Orioko Udalak hainbat pertsona hartuko ditu lanerako uda honetan eta deialdia egin du lanpostu horiek betetzeko. Deialdian parte hartu ahal izateko, langabetua izan behar da eta Orion erroldatua, gutxienez, 2017ko urtarrilaren 1az geroztik.

Lanpostuak honakoak izango dira: kabinen garbitzailea (1), kanpineko komunen garbitzailea (2), udaltzain laguntzailea (2), kanpineko zaindaria (1), txu-txu trenaren gidaria (1). Lanpostu horietaz gain, turismo bulegorako eta kanpineko harrerarako pertsona bat hartuko dute uda denboraldian, denboraldi baterako eta asteko 30 ordurako, eta deialdi honetan parte hartzeko ere langabetua izan behar da.

eskaerak, Martxoaren 31 arte Bi aukeretarako eskabideak udal bulegoetan aurkeztu behar dira. Lehenengoaren kasuan, bertan emango den eskaera-orria bete beharko da, eta ondoren, probak apirilaren 8an egin beharko dira, Orioko kultur etxeko areto nagusian, goizeko 9.00etan hasita. Turismo bulegoan eta kanpineko harreran lan egiteko, berriz, curriculumak aurkeztu beharko dira, titulazioak behar bezala akreditatuz. Eskatuko diren titulazioak hauek izango dira: EGA, First Certificate edo baliokidea edo Proficiency titulua, eta Jarduera Turistikoetarako Teknikari titulua Turismoko Goi Mailako Zikloa. ...


Albistea irakurri osotasunean